Myen Hpyen Dap Lak Nak Kaba Gap Shadam Ai Majaw Mung Masha Lahkawng Asak Si Sum Ai Lam

Pajau Media

May 26.2025

Jinghpaw Mung Mohnyin ginwang Hopin Muklum hta Myen hpyen dap Hk.M.Y (389) kawn gap dat ai Laknak kaba a majaw Mung masha marai (2) asak si sum nna marai (1) hkala sawng ai lam Kachin Human Rights Watch KHRW kaw na chye lu ai.

Myen hpyen dap kawn gap dat ai Laknak kaba gaw U Chan Mg a nta kaw wa hkrat nna asak (62) Ning re ai U Chan Mg hte madu jan asak (58) ning re ai Daw Hkin Pyone yan asak si sum nna asak (50) ning re ai Daw Tin Nu gaw lagaw lahkawng maga sawng ai ningma lu nna ya aten tsi rung kaw tsi tsi hkam la nga ai lam chye lu ai.

Dai gap ai lam gaw lai wa sai May 24 ya shana daw hkying (5:00) PM aten Nam Mun kaw daju ai Hk.M.Y (389) kawn lak nak kaba gap shadam ai re hpe mung chye lu ai. May 24 ya shani hta sha KIA Masat (26) ginra rai nga ai Sanun Kawng kaw mung Myen hpyen dap Sam HKyeng P.T.Ts Pawng hpawm hpung ni hte gasat gala majan byin ai lam chye lu ai.

Shiga- Htu Seng