Myen Hpyen Dap Sanghpaw Hpung Ni Du Wa Ai Hpang Manmaw Ginra Gasat Gala Laja Nga Ai Lam

Pajau Media

August 7, 2025

Manmaw Ginra Hta Myen Hpyen Dap Sanghpaw Hpung ni du shang wa ai hpang kaw nna gasat gala majan laja wa ai lam chye lu ai.

Myen Hpyen Dap lak nak arung arai htaw ai Sanghpaw Hpung ni du wa ai hpang August 6 ya du hkra gasat gala laja nga ai re hpe chye lu ai.

Mandalay Sanghpaw daru kaw nna Jinghpaw Mung de lung wa ai Sanghpaw Hpung ni gaw August 1 ya kaw nna Mamaw Ginra de du shang nga sai re.

Dai Hpang Manmaw Ginra htim gasat majan hta Myen Hpyen Dap maga na Drone Bawm ni ladu lai jai lang nna gasat gala majan laja nga ai re.

Manmaw de lung wa ai Sanghpaw Hpung ni gaw Hti Chyaik, Kahtar, Shwe Gu Ginra kata hta Hpyen lak nak n gun bai kat da lu sai rai nna Manmaw Htawng a matu malu masha ni hpe pyi wa sa lu ai lam shawng lam shi sawk ni tsun ai re.

Myen Hpyen Dap gaw Manmaw Ginra tat sum ai lam n nga hkra ladat amyu myu hte matut manoi htim gasat nga dingyang re hpe chye lu ai.

Shiga - Htu Seng