Myen Hpyen Dap SNA Pawng Hpawm Dap Ni Gaw Bamauk Ginra Kaw Na Mung Masha (200) Jan Hpe Rim Woi Mat Ai Lam

Pajau Media

October 10, 2025

Myen hpyen dap hte SNA pawng hpawm dap ni gaw Bamauk Ah Lay mare hte Zet Taw mare masha marai (200) jan hpe rim woi mat ai lam ginra masha ni kaw na chye lu ai.

Rim woi hkrum ai ni gaw mare makau mayan kaw na Bum marawn hkan hpyen koi yen nga ai ni, Mare Hpung Gyi Jawng hkan chyat rawng nga ai asak (60) jan re ai ni re lam chye lu ai.

Rim hkrum ai ni a Myi man ni hpe sum pan hte magap ai hte Mu Ga magap ai Mawdaw kaw htaw nna rim mat ai re lam chye lu ai. Lai wa sai September shata hta mung Chyawng Lay mare kaw na Ginra masha marai (800) hpe rim woi mat ai lam nga ai re.

Myen hpyen dap npu SNA dap gaw September 21 ya shani Bamauk Muklum ntsa kaw na Pin Hka mare du hkra bai htingnut mat ai hpang Bamauk Muklum sinna maga nga ai Chyawng Lay mare, Zet Taw mare maga de masing nga nga Laknak kaba gap ai re.

Laknak kaba a majaw Ma kaji ni hte Amyu shayi ni, Mung masha law law hkra hkala hkrum ai lam, ya aten Bamauk ginra Mung masha marai (5,000) jan shimlum ai shara de koi yen nga ai lam chye lu ai.

Shiga- Kachin Pyi Tar