Myen Hpyen Gumshem Min Aung Hlaing Gaw Miwa Yunan “SPICYN” Company Hte Mali Nmai Hka Wan Jak Masing A Matu Komti Hpung Hpaw Ning Htan Ai Lam

Pajau Media

1 December 2025

Jahkring da ai na sai Mali Nmai Hka Wan Jak masing hpe Myen Hpyen Gumshem Min Aung Hlaing gaw Miwa company Rai nga ai “SPICYN” hte komti hpung ningnan hpaw ning htan da sai lam chye lu ai.

Myen Hpyen Gumshem Min Aung Hlaing gaw Mali Nmai Hka Wan Jak masing hpe woi galaw na matu komiti ningnan hpe lai wa sai August shata 29 ya shani kawn hpaw da sai lam chye lu ai.

Mali Nmai madim masing hta Myihprap Wan Magam Dap Ningtau Hkringmang wa hpe Ningbaw shatai nna malawm yawng marai (13) lawm ai re.

Hka Wan Jak masing hpung hte Miwa Company “SPIC Yunnan International Power Investment (SPICYN)” ni gaw Mali Nmai Hka Wan Jak masing a matu shawk sagawn ai lam, Jak hpaji hte Mung shawa kanawn mazum lam ni galaw ra na re lam chye lu ai.

Dai sha n-ga Mali Nmai Hka Wan Jak a matu Miwa Asuya hte Myen Hpyen Dap lapran jahkrup bawngban lam ni hpe mung dai hpung gaw madi shadaw garum ya na re lam chye lu ai.

Mali hka wan jak masing hpe Gumsan Magam U Thein Sein lakhtak hta mung shawa n-gun madun ning hkap ai majaw jahkring da ai re lam chye lu ai.

Shiga:Hpring