Myen Hpyen Ningbaw Min Aung Hlaing Gumsan Magam Byin Wa Ai Lam

Pajau Media

April 3, 2026

Dai ni April praw 3 hta galaw ai mungdan rapdaw zuphpawng hta galaw ai mungdan gumsan magam aya lata ai hta Myen Hpyen ningbaw Min Aung Hlaing gumsan magam lit hta lata shatsam hkrum ai lam chye lu ai.

Myen Hpyen Ningbaw Min Aung Hlaing gaw mungdan rapdaw kasa marai 584 kaw na sindan pa 429 hte gumsan magam tai wa nna hpyen dap kasa maga na U Nyo Saw gaw sindan pa 126 hte ningtau gumsan magam (1) mungdan rapdaw na Daw Nan NiNi Aye gaw sindan pa 29 hte ningtau gumsan magam (2) tai wa ai re.

Gulumsan magam marai 3 hpe April praw 2 ta shani hta mungdan rapdaw kawn shateng wa nna Min Aung Hlaing hpe mungshawa rapdaw kawn lata wa sai rai nna, Daw Nan NiNi Aye hpe gaw mungdan rapdaw hte hpyen du hkringmang daju U Nyo Saw hpe gaw hpyen hpung kawn lata wa sai re.

Hpyen du kaba aya kaw na yu wa ai Myen Hpyen Ningbaw Min Aung Hlaing gaw Myen mung na 11 ngu na mungdan gumsan magam tai wa nna Mungdan daru magam zing ai ten hta mung Gumsan Magam malai lit gun hpai wa ai re.

Shiga-Zau