Myen Mundan Ting Hta N Htoi 14 Ya Laman Mung Masha Marai (60) Asak Si Sum Ai Lam

Pajau Media

October 15, 2025

Myen mungdan ting hta October praw 1 kaw nna 14 ya laman Myen hpyen dap a majaw amyu shayi marai 22 hte amyu shadang la marai 38 yawng marai 60 asak si sum ai lam Mung masa bawng dung masha ni hpe lakawn ai hpung AAPP kawn ndau da ai re.

 Asak si sum ai kaw asak n hpring shi ai 18 npu na ma ni marai 20 lawm ai lam Nbungli hku dingsa gasat ai majaw asak si sum ai marai (49) nga ai hte Nbungli a majaw asak si sum law dik re lam tang madun da ai.

Jinghpaw Mung Pajau Media kawn sagawn da lu ai lawng lam ni hku rai yang October n dai laman asak si sum ai hte hkala hkrum ai masha marai ( daram du nga sai re.

Jinghpaw Mung kata Nbungli bawm a majaw Chihpwi ginra, Saw Law ginra, Lang Se mare de October 10 ya shana daw hkying 4:20 PM aten daram hta Y-12 Nbungli hte bawm wa jahkrat ai majaw Slg Maran zau La asak 40 ning asak si sum nna Slg Maw Maw asak 46 ning, Slg Htoi Nan Li Awng asak 28 ning hte slg La Grawng Dau San asak 33 ning ni hkala ningma lu ai lam chye lu ai.

Shiga- Zau

Photo credit to AAPP