Myen Mung Ting Na Bawng Masha Mrai 1500 Lawt Lu Ai Lam.

Pajau Media

April 30, 2026

Myen Mung ting hta nga ai htawng shagu na bawng masha marai 1500 hpe lawt lu na ahkang jaw wa ai lam hpe Gumsan Magam rung kawn dai ni na nhtoi hta ndau dat ai lam chye lu ai.

Daini Kasung shani mung shwa ni myit simsa na matu mungdan gawgap ai lam hta bai shang lawm lu na matu hte shinggyim nauna masa hpe myit dum let mara raw dat ya ai lam hpe Gumsan Magam rung kawn ndau shana wa sai re.

Myitkyina ginra hta htawng hkrat nga ai La marai 32 hte Num marai 2 yawng pawng yang marai 34 lawt lu wa ai lam chye lu ai.

Bawng masha ni hpe lawt lu lam jaw wa ai rai tim Mung masa a majaw htawng hkrat masha nkau mi sha lawm ai re hpe chye lu ai.

Mara raw ya hkrum ai ni hpe, tara upadi daw kaba 401, daw kaji (1) hte rai nna tara bai rawt lai yang mi nga ai mara ni hpe shalawm nna matut htawng hkrat na ngu tara hte lawt lu wa ai hpe ndau laika hku na chye lu ai.

Shiga-Zau