Myen Mungdan Ginra (121) Hta Ra Lata Poi N Lu Galaw Ai Lam Myen Hpyen Dap N dau Ai Lam

Pajau Media

15 September, 2025

Myen hpyen dap galaw na ra lata poi hpe Jinghpaw Mung na ginra (4) mung lawm yang Myen mungdan ginra (121) hta ra lata poi hpe n lu galaw ai lam Myen hpyen dap ra lata poi Commission kawn ndau da ai re hpe chye lu ai.

KIA pawng hpawm hpung ni htim gasat zing madu da ai Chihpwi, Saw Law, Sumpra Bum hte N Jang Yang ginra ni hta Ra lata poi n lu galaw na lam ndau da ai re.

Dai sha n-ga Jinghpaw Mung, Sam Mung, Hkang Mung, Kaya Mung, Rahkai Mung, Sagaing ginra, Mandalay ginwang hte Magwi ginwang ni hkan mung ru di amyu sha rawt nalan hpung ni hte Mung shawa makawp maga dap ni uphkang da ai shara ni hkan mung ra lata poi galaw lu ai lam n nga ai nga ai lam n dau da ai re.

Ra lata poi hpe du wa na December 28 ya shani galaw sa wa na daw (1) hta Jinghpaw Mung myitkyina, Danai, Hkawng Lang Hpu, Nawng Mung, Putao hte Mohnyin ginra ni hta galaw sa wa na re lam August shata hta n dau da lai wa sai re.

Ra lata poi daw (1) hpe galaw lu ai lam n nga ai မဲဆန္ဒနယ် ni hta Mung shawa rap daw မဲဆန္ဒနယ် 56, Amyu sha rap daw (FPTP) system hte မဲဆန္ဒနယ် (9), ginwang (shing nrai) mungdaw rap daw atsang hta (FPTP) မဲဆန္ဒနယ် 56 re lam n dau da ai re.

Shiga - Hpring