Myen Mungdan Hta Ja Lap Mi Sen 110 Jan Du Wa Ai Lam

Pajau Media

29 January 2026

Myen mungdan kata ja gat lawk ni hkan ja manu lap mi kaw Sen 110 jan du nga sai lam chye lu ai.

Ya aten American Dollar manu hte sut hpaga lam ni hkrat yawm nga ai raitim ja gat lawk ni hkan gaw Myen Mungdan kata, shinggan hkan ja manu gaw kalang ta tsaw rawt nga ai re lam chye lu ai.

Ya aten Myen Mungdan kaw ja manu lani hte lani tsaw rawt nga ai lam, ja mau hte rau jak sau, kaga gunrai manu ni mung tsaw rawt nga ai majaw mung masha ni grai myit tsang nga ma ai re hpe chye lu ai.

Lai wa sai 2025 June shata hpang daw hta Myen Mungdan kata ja manu gaw lap mi kaw sen 82 du hkra tsaw rawt wa ai raitim ya aten sen 110 jan du hkra bai tsaw rawt nga ai re lam chye lu ai.

Shiga- Hpring