Myen Mungdan Kata Ra Lata Poi Hte Seng Nna Online N Tsa Tsun Dinglun Ai Majaw Mung Masha Marai 25 Hkawt Rim Hkrum Ai Lam

Pajau Media

November 4.2025

Ra lata poi makawp maga upade shagrin ai hpang Myen mungdan kata online n tsa kaw na ra lata poi hte seng nna tsun dinglun ai lam, ninghkap tsun jahpyak ai majaw rim hkrum ai masha marai 25 hkawt nga sai lam Data For Myanmar kawn tang madun da ai re.

Rim hkrum ai hta Myen mungdan kata mying gumhkawng ai shingni bungli galaw ai masha ni mung lawm ai hte grau nna gaw Myen hpyen dap kawn woi gayet ai ra lata poi hte seng ai hpaji jaw sumla hkrung ni hpe tsun jahpyak ai lam hpe media n tsa kaw love react, like react jaw, share ai lam ni galaw ai majaw rim hkrum ai re lam mung chye lu ai.

Myen mungdan kata 2022 shaning kaw na 2025 October shata du hkra Myen hpyen dap hpe ninghkap tsun dinglun ai lam, ninghkap lamang hta shanglawm ai ni hpe rim ahkyak la ai lam matut manoi galaw nga ai hta rim hkrum ai masha marai 1,993 du nga sai lam chye lu ai.

Rim hkrum ai masha law dik gaw Yangon, Mandalay, Bago, Ayeyarwady, Magwi, Sam Mung ginra ni hkan na law malawng re lam chye lu ai.

Shiga- Pyilan U