Myen Mungdan Ting Hta Htawng Masha Hkying Kru Jan Hpe Shalawt

Pajau Media

January 5, 2026

Myen mungdan kata nga ai htawng shagu kaw nna htawng masha 6,134 hpe mara raw dat, shalawt ya sai lam Myen hpyen dap n dau da ai re hpe chye lu ai.

January 4 ya shani ang ai 78 lang na Myen mung rawt malan masat n htoi hta Myen mungdan kata nga ai htawng masha marai 6,134 hte maigan masha marai 52 hpe mung mara raw dat shalawt dat ai lam galaw sai re lam chye lu ai.

Mungdan kata mara amu raw dat, shalawt dat ai htawng masha marai 6,134 gaw mara amu gahtap nna tawt lai wa ai rai yang mi na htawng dam hte maren bai hkam ra na ngu ai tara hte hkrak htawng masha shalawt ai lam galaw ai re hpe mung chye lu ai.

Dai sha n-ga mung masha mara amu hte kaga mara amu hpan ni hte htawng hkrat taw ai htam 6 kaw nna htam 1 hpe mung shalawt ya ai lam n dau da ai re hpe mung chye lu ai.

Shiga – hpring