Myikyina Muklum Shara Nkau Hta Mytel Phone Line Lu Ai Lam

Pajau Media

June 17.2025

Jinghpaw Mung, Myitkyina Muklum shara n kau hta June 16 ya jahpawt daw kaw nna Mytel Phone line ni bai lu sai lam Myitkyina ginra masha ni tsun ai re.

Myitkyina Muklum shara n kau hta Myen hpyen dap madu ai Mytel Phone line ni bai lu sai raiitm internet data n mai lang shi ai lam ginra masha ni kaw na chye lu ai. “mani jahpawt daw daram kaw nna lu sai, phone line gaw lu ai, internet line gaw n lu ai internet gaw E line gaw pru ai” nga nna ginra masha langai tsun dan ai re.

Jinghpaw mung Myitkyina lawk shagu ngu na daram hta Atom (Telenor), Oredoo hte MPT matut mahkai lam ni loi li lu ai raitim Internet line gaw ya aten du hkra n lu ai re lam chye lu ai. Internet n lu mat ai hpang kaw nna ya aten Jinghpaw Mung kata Starlink zawn re ai Wifi Jak ni hte seng hpaw nna hkying hkum mi kaw 1,000- 2000 KS jaw nna internet lang nga ma ai re.

Myen hpyen dap kawn Jinghpaw Mung kata Internet line, Phone line ni hpe dawm kau ai gaw 2024 July 21 kaw na rai sai re hte laning mi ladu hkrum wa sai re hpe mung chye lu ai.

Shiga- Zaw