Myitkyina, Aye Mya Tharya Lawk Kaw Wan Hkru ai Lam

Pajau Media

March 24, 2026

Myitkyina Aye Mya Tharyar lawk kaw nga ai rai dingsa dut mari seng langai dai ni March 24 jahpawt daw hkying 1 laman hta wan hkru mat ai lam chye lu ai.

Aye Myar Tharyar lawk 5 hta nga ai (သံတိုသံစ၊) hpri dingsa dut mari ai seng rai nna wan sumri a majaw shawk byin na wan hkru ai re nga nna ginra masha ni tsun ai re.

Wan hkru ai hpe Myitkyina wan sat dap, garum gahtau hpung ni hte ginra masha ni wan sat ya sai rai nna nta yawng hkru mat ai rai tim laga nta de wan matut hkru ai lam gaw nnga ai nga tsun ai re.

Nta madu gaw hkrum lam hkawm taw rai nna nta seng kaw gaw bungli galaw ai masha ni sha nga taw ai hpe chye lu ai.

Myitkyina muklum hta lai wa sai March praw 5 ya shani hta mung Man Hkring lawk kaw nga ai lu sha seng langai wan hkru hten lai wa sai re.

Shiga-Zau

Sumla - မျိုးဆက်သစ် လူမှု့ကယ်ဆယ်ရေးအသင်း