Myitkyina Hkema Thiri Lawk Kaw Phone Gashun Manghkang Byin Ai Lam

Pajau Media

September 12, 2025

Myitkyina Muklum Hkema Thiri lawk kaw September 11ya shana hta ramma marai masum kawn phone gashun manghkang byin ai lam chye lu ai.

Phone gashun ai ramma marai masum gaw asak 20 ning grup yin nga ai re hte lawk kata gayin nna lagu lagut hkawm nga ai masa re nga nna Mung masha ni tsun maram nga ma re hte shanhte a shamu shamawt lam hpe la yu nna lu rim kau ai re lam chye lu ai.

Lai wa sai September 8 ya shani hta mung myitkyina Awng Nan lawk kaw na Shwe San Li ja seng damya mya hkrum ai re hte Kachin Su lawk kaw mung september 7 ya shani damya manghkang byin lai wa sai re.

Myitkyina Muklum kata lagut damya manghkang gaw shani shagu byin nga ai rai nna Mung masha ni shimlum lam grai myit tsang nga ma ai re hpe mung chye lu ai.

Shiga - Kachin Pyi Tar