Myitkyina Hpakant Lam Mayan Myen Hpyen Dap Shara La Da Ai Majaw Mung Masha Ni Mare Wa Gawan Na Matu Yak Hkak Nga Ai Lam

Pajau Media

12 January 2026

Hpakant lam Nam Ya, Kap Maw, Seng Hpa ra mare shang wa ai hkan Myen Hpyen Dap shara la nga ai majaw mare masha ni tinang mare dum nta wa gawan ai lam hta grai shagyip shagyeng ai lam ni byin nga ai lam na chye lu ai.

Ya aten Hpakant lam mayan hta gasat gala majan byin ai lam gaw n nga ai hte Hpakant lai wa lai sa mawdaw ni gaw shagyit lai manu jaw ai hte lung wa yu wa mai galaw ai raitim Hpakant lam mayan mare kahtawng hkan na mung masha ni gaw tinang mare dum nta wa gawan na matu yak hkak nga ai re hpe chye lu ai.

Grau nna gaw Hpakant lam mayan mare kahtawng ni hkan myen hpyen dap shara la da ai majaw mare masha ni mare wa gawan ni hpe jep joi ai lam ni galaw nga ai hte gasat gala byin ai lam n nga ai raitim Drone bawm, laknak kaba aten n tam ngoi ai lam gaw dingyang re hpe mung chye lu ai.

Hpakant lam mayan gaw lai wa sai 2025 April shata daram kaw nna gasat gala majan wa ai re hte dai lam mayan na mung masha ni kadai mung kadai shimlum dum ai de hpyen koi yen nga ra ai gaw ya aten du hkra re. Ya aten dai mare kahtawng ni hkan myen hpyen dap shara la da ai re majaw mare masha ni dum nta wa gawan na matu grai naw yak hkak nga ai masa re hpe mung chye lu ai.

Shiga: Pyilan U