Myitkyina-Hpakant Sa Lam Kaba Hta Damya Mya Hkrum Ai Lam Jahkring Hkring Byin Nga

Pajau Media

29th March,2025

Jinghpaw mung, Myitkyina ginra kawn Hpakant sa lam, La Wa mare hte Namti mare lapran hta ndai laman lak nak lang wuhpung mi gaw lai wa lai sa mungshawa ni hpe sinat hte madi jahkrit shama rai nna, lawm ai arung arai ni hpe damya mya la ai lam jahkring hkring byin nga ai hpe chye lu ai.

Lai wa sai march shata 26ya shani hta mung dai lam ntsa, hkrun lam hkawm mung shawa ni a mawdaw cycle ni hpe hkap jahkring nna lawm wa ai arung arai hpe damya mya hkrum ai lam byin lai wa sai re.

Dai lak nak lang wuhpung ni gaw gara hpung kaw na kadai ni re hpe tup hkrak nchye lu ai raitim, asak naw ram ai ramma hpung ni rai nna, sinat, nhtu nhkyi lak nak ni hpe lang da nna, lai wa lai sa ni a manu dan ai rung rai ni hte ja gumhpraw ni hpe gashun mat wa ai lam chye lu ai.

Ramma hpung ni damya mya ai shara gaw Myitkyina kaw nna Hpakant – Danai sa lam maw kaba ntsa hta rai nna, KIA pawng hpawm hpyen hpung ni hte Gumshem myen hpyen dap ni lapran jahkring hkring gasat poi byin ai majaw lam hpe hpaw dat pat dat galoi mung galaw nga ai shara mung re hpe matut chye lu ai.

Shiga – Htu Seng