Myitkyina-Lamung Zup Mare Shagyit 2 Kaw Gumhpraw Jat Hta Ai Hte Gunrai Htaw Shalai Ai Shadang Masat Ai Lam

Pajau Media

December 19.2025

Myitkyina lahta daw Lamung Zup mare kaw Myen Hpyen Dap jep joi ai shagyit 2 nga ai hte Putao de lung wa ai mawdaw ni hpe gumhpraw sen lam hta nna gunrai htaw shalai ai lam hpe mung masat kau ai re hpe mawdaw la ni tsun ai kaw na chye lu ai.

Shawng Daw de gaw shagyit lai manu hpe mun 4 daram sha jaw ra ai raitim ya aten gaw sen mi jan du hkra hta wa ai sha n-ga Lamung Zup lahta daw de gunrai htaw shalai shadang ni hpe mung Mlmasat nna dai hta jan yang gumhpraw hta ai lam galaw ai re hpe chye lu ai.

Lamung Zup lahta daw Alam , Awng Min Thar hte Tang Hpare ginra ni rai nna Pyilat hte N-gu ni hpe masat nna sha shalai na ahkang jaw da ai re hte N-gu buk 5 hta jan nna shalai yang buk mi kaw 3,000 bai hta jat na lam tsun ai hpe chye lu ai.

Lamung Zup mare kaw Myen Hpyen Dap shagyit lahkawng galaw da ai rai nna lai wa lai sa mawdaw ni hte nung masha ni hpe san jep ai lam laja lana galaw ai re hpe mung chye lu ai.

Shiga: Htu Seng