Myitkyina Lamung Zup Shagyit Hta Jep Joi Ai Lam Laja Lana Galaw Ding Yang Re Ai Lam

Pajau Media

10 March 2026

Myitkyina muklum lahta Lamung Zup, Myen Hpyen Dap shagyit hta lai sa lai wa mung masha ni hpe jep joi ai, san ai, mawdaw kaji kaba ni hte cycle ni hpe laja lana jep joi ai ni aten na na galaw nga ai majaw mung masha ni myit sim sa lam nnga tsang taw nga ai hpe chye lu ai.

Lamung Zup shagyit hta cycle tools box kaw sha n-ga mawdaw ni hpe mung madung tawn nna jep joi ai hte laga nhpye hkan du hkra jep ai ni, mung chying masat jep ai ni htaw sa ai arai ni hpe jep ai hte grumhpraw hta ai lam ni galaw taw hpe chye lu ai.

Dai hte maren P.L.N. jawng shawng hta mung shani shagu hpyen ma ni shara la, shagyit dung nna jahpawt hkying 8 kaw na hkying 11 du hkra jep joi ai hte phone hpe madung da nna jep ai lam matut chye lu ai, dai hta n-ga Ying Hkaw lam man hkrum ai shara hte miles 10 mare hkan mung jahkring hkring sin ai ni galaw nga ai.

Ya ten mawdaw cycle ni hpe jep joi nga ai sha n-ga ramma ni hte asak naw ram ai la ni hpe jep joi ai ni laja lana galaw nga nna kalang lang gaw num sha ni hpe ma jep joi ai ni galaw nga ai re.

Shiga-Htu Seng