Myitkyina Mandalay Gumwai Lam Bai Hpaw Sai Lam

Pajau Media

22 July, 2025

Mandalay Myitkyina Mawdaw lam rai nga ai (စပယ်နံ့သာ-ပေကြီးကွင်း ) lam bai hpaw sai majaw Lung wa ai mawdaw tsa lam nga nna Myitkyina de dai ni hkan du shang wa mai ai lam Mawdaw la ni tsun ai kaw na chye lu ai.

စပယ်နံ့သာ-ပေကြီးကွင်း lam gaw Jan mai ai shani hkan sha mai lai ai hte July 22 jahpawt daw Hkying 9:00 Am aten daram kaw nna bai mai hkawm sai rai nna Gunrai htaw mawdaw ni, Leng 6 lawm ai Mawdaw ni, hkawm sa hkawm wa mawdaw ni mung lawm rai nna Mawdaw tsa kaba Mandalay maga kaw nna rawt wa sai re lam chye lu ai.

Mandalay de yu wa na mawdaw ni gaw Mandalay Shwe Bu Lam kaba n hpaw shi ai majaw Shwe Bu kaw sha naw chyat nga ai raitim Marang n htu sai re majaw kade n na ai aten Lam bai hpaw na masa nga ai lam tsun nga ma ai re. Myitkyina Mandalay gumwai lam hpe Marang ladu lai htu sawng nna Lam grai hten za mat ai majaw gan pat da ai re hpe mung chye lu ai.

Shiga – Htu Seng