Myitkyina Mandalay Lam Mayan Hpyen N-gun Grai Htu Wa Ai Majaw Hkawm Sa Hkawm Wa Mawdaw Ni Chyat Nga Ai Lam

Pajau Media

August 25, 2025

Sagaing ginwang Kant Balu ginra hta Myen hpyen dap kawn hpyen htu shadut taw ai majaw Myitkyina Mandalay Lung wa Yu wa lam lapran hkrun lam hkawm mawdaw ni, gunrai mawdaw tsa lam chyat nga ai lam Mawdaw La ni tsun ai kaw na chye lu ai.

Lung wa ai mawdaw ni gaw Zi Kung Lam braw kaw nna Ah Lay Shu mare, Ye Kyi U shara ni hkan chyat nga ai rai nna Yu wa ai mawdaw ni gaw ဘောရွာ၊လွှဲဆိပ်၊ ၁၁ပေါက်၊ အေးသာယာ mare ni hkan chyat nga ai lam mawdaw la ni tsun ai kaw na chye lu ai.

August 16 kaw nna Kant Balu ginra hta Myen hpyen dap hte Myen hpyen dap n pu Pyu Saw Hti pawng hpawm dap ni hpyen n-gun htu shadut nna Wan nat ai lam ni galaw ai majaw Myitkyina Mandalay lam Lapran Mawdaw tsa lam n htoi na na chyat nga ai re lam chye lu ai.

Myen hpyen dap gaw Kant Balu ginra dingda daw kaw nga ai Mare (5) daram hta hpyen htu shadut, shamu shamawt ai hta Wan nat jahten ai lam ni galaw nga ai sha n-ga Hpakant ginra de mung hpyen n-gun matut manoi htu shadut nga dingyang re lam chye lu ai.

Shiga - Hpring