Myitkyina Mandalay Lam Ntsa Chyat Nga Ai Mawdaw Ni Ndai Shata Laman Nbungli Bawm 2 Lang Jahkrat Bun Ai Lam

Pajau Media

30 December 2025

Myitkyina-Mandalay lam hpe hpyen masa a majaw pat da ai hta lam lapran chyat nga ai hkrun lam hkawm mawdaw ni hpe myen hpyen dap kawn Nbungli bawm jahkrat bun ai majaw mung masha si hkala hkrum ai hte mawdaw ni hten za ai lam chye lu ai.

December 27 ya shani Myitkyina-Mandalay lam ntsa Hkin Oo hte Shwe Bu Lapran kaw Myen Hpyen Dap Helicopter hte bawm wa jahkrat bun ai majaw mung masha marai 9 asak si sum nna marai 20 jan hkala ai lam, sau htaw mawdaw, hkrun lam hkawm Bus mawdaw 9 daram mung wan hkru hten mat ai lam chye lu ai.

Myen Hpyen Dap kawn dai lam maga de nbungli bawm jahkring hkring wa jahkrat bun ai rai nna Jet Fighter, Helicopter, Mi 35 Helicopter kaw nna rocket ni hte gap bun ai majaw lam lapran chyat nga ai hkrun lam hkawm mung masha hte mawdaw la ni si hkala hkrum nna mawdaw ni wan hkru hten za ai lam byin nga ai re.

Hpyen masa a majaw Myitkyina-Mandalay lam hpe lai wa sai December 10 ya daram kaw nna pat da ai re lam, lai wa sai December 18 ya hta mung kalang dai lam kaw sha nbungli bawm wa jahkrat ai majaw mung masha marai 7 asak si sum ai lam nga lai wa sai re hpe chye lu ai.

Ya du hkra lam lapran kaw chyat nga ai mawdaw hkying lam nga ai re hpe mung chye lu ai. ya aten Myen Hpyen Dap gaw Democrecy Mungdan gaw gap ga nga nna ra lata poi galaw shakut nga ai raitim maga mi de mung masha hpe hpyen hku masat nna hkrup mara n bungli bawm jahkrat bun ai lam galaw dingyang re hpe mung chye lu ai.

Shiga - Pyilan U