Myitkyina Muklum Hta Asak Shi Jan Ning Re Ai Damya (4) Hpe Lu Rim Ai Lam

Pajau Media

September 8, 2025

Jinghpaw Mung Myitkyina Muklum Kachin Su lawk kaw lai wa sai shani ka-ang daram hta damya mya taw ai ramma marai (6) kaw na marai (4) hpe lawk kaw na Mung masha ni lu rim kau ai lam chye lu ai.

Rim hkrum ai damya marai Mali gaw asak (17) ning re ai marai (3) hte asak (25) ning re ai La kasha ni re lam chye lu ai. Ya na zawn Muklum kata lagut damya law wa ai gaw galaw lu galaw sha lam yak wa ai hte shang gumhpraw n nga ai hta gunrai manu ni rawt tsaw wa ai masa a majaw lagut damya law wa ai re lam chye lu ai.

Myen hpyen dap uphkang ai mali ning jan laman Jinghpaw mung sha n-ga Myen mungdan ting hta myen hpyen dap lam amyu myu dip up nga ai majaw mungdan kata gasat gala majan grau laja wa ai hte sut hpaga lam ni grai hkrat sum wa ai re.

Ndai masa hta myen mungdan gumhpraw manu ni mung n nga wa ai gaw 2021 shaning na hta htam 4 daram law jat wa ai rai nna myen mungdan masha marai (3) kaw nna marai (1) gaw malu masha hkru hkra n lu sha nna kaw si hpang gara hkrum nga ai re lam WFP kawn mung tsun n dau da ai re hpe chye lu ai.

Shiga - Hpring