Myitkyina Muklum Kata Kajawng Kaja Bawm Kapaw Manghkang Byin Ai Lam

Pajau Media

August 18, 2025

Myitkyina Muklum Masat (3) lahta tsang Jawng shawng na lambraw All Star Boarder shawng kaw dai hpawt daw Hkying (10) aten daram hta kajawng kaja bawm kapaw manghkang byin ai lam chye lu ai.

“Kadai wa hpa majaw ngu ai hpe n chye lu ai, bawm kapaw ai shara makau na Mawdaw (3) daram gaw bawm hkyep hkra mat ai, dai hpawt hkying (10) daram kaw re” nga nna myi chyaw mu Mung masha langai tsun ai.

Myi Chyaw mu ginra masha tsun ai hta Masha hkra hkala ai lam n nga ai raitim landcrusier, Honda Fit hte Air wave mawdaw 3 bawm hkyep hkra nna hten ai lam nga ai re lam chye lu ai.

Ginra masha ni tsun ai hta bawm kapaw wa ai mabyin n pawt hpe n chye lu ai raitim gara hku kapaw ai ngu hpe mung n chye lu ai sha bawm kapaw ai nsen na lu ai lam chye lu ai. Dai sha n-ga Jawng Ma ni nga ai asawng makau kaw sha re majaw yawng hkrit kajawng nga ai re hpe chye lu ai.

Shgia - Htu Seng

Video Credit to Owner