Myitkyina Muklum Kata Lak Nak Kaba Wa Hkrat Kapaw Ai Majaw Ma Lahkawng Hkala Hkrum Ai Lam

Pajau Media

July 17, 2025

Jinghpaw Mung Myitkyina Eyar Lawk Uphkang Rung magam gun ni shanu nga ai wang kata de Lak nak kaba wa hkrat ai majaw Ma marai (2) hkala hkrum ai re lam lawk kata shanu nga ai ni tsun ai re.

July 16 ya jahapwt daw Hkying (4) aten daram hta Lak nak kaba wa hkrat kapaw nna Ma marai (2) lak nak hkyep hkra hkala ai lam, dum nta langai mung Lak nak kaba a majaw hten za ai lam chye lu ai.

“ Jahpawt daw hkying 4:00 PM daram hta re, Lak nak kaba wa hkrat ai nta kaw Ma lahkawng lak nak kaba hkra hkala ai nga Na ai, ngut na dum nta mung hten za ai” dai lawk kaw shanu nga ai asuya magam gun langai tsun ai re.

Wa hkat kapaw ai Lak nak gaw gara maga kaw nna gap dat ai re ngu hpe tup hkrak n chye lu ai hte sagawn nga dingyang re. lai wa sai April 25 ya hta mung Myitkyina N Jang Kawng Asuya magam gun ni shanu nga ai Wang kata de shana hkying 12 aten daram hta Lak nak kaba wa hkrat kapaw nna masha marai lahkawng asak si sum nna marai langai hkala hkrum ai lam nga lai wa sai re hpe mung chye lu ai.

Shiga – Hpring