Myitkyina Muklum Kata Lak Nak Kaba Wa Hkrat Kapaw Ai Majaw Mung Masha Langai Asak Si Sum Ai Lam

Pajau Media

August 25, 2025

Jinghpaw Mung Myitkyina Ram Bu Lawk နယ်မြေ (၁၂), U Pain mahkrai makau kaw August 24 ya shana daw hkying (6:00) PM aten daram hta M.P.Hk kaw nna gap dat ai lak nak kaba wa hkrat kapaw nna asak shi jan ning re ai Ma (1) asak si sum nna amyu shayi 2 hkala sawng ai lam ginra masha ni kaw na chye lu ai.

Asak si sum ai Ma gaw asak (13) ning re ai Ma Yu Titzar Hkai ( chit Su ma) ngu ai Ma rai nna Hkala ningma sawng ai marai lahkawng gaw asak (20) ning re ai Ma Zin Min, Asak (65) ning re ai Daw Ngwe ni re lam chye lu ai.

Lak nak kaba wa hkrat ai majaw Mung masha asak si sum ai lam nga ai sha n-ga Dum nta hten za ai lam ni nga ai rai nna Cycle hte kaga manu dan ai arung arai ni mung hten za mat ai lam Lawk kata shanu nga ai Mung masha ni tsun ai re hpe mung chye lu ai.

Myitkyina Muklum hta Myen hpyen dap M.P.Hk ginjaw shara, ကြက်ပေါင်ခြံ၊ ကြံ့ခိုင်ရေးပါတီရုံးချုပ် shara ni hta Lak nak kaba shadun da nna Waimaw ginra maga de mung lak nak kaba jahkring hkring gap bun nga dingyang re la ginra masha ni tsun ai kaw na chye lu ai.

Shiga - Hpring