Myitkyina Muklum Kata Maigan Pru Hkawm Lakmat (Passport) Galaw Ai Hta Tau Hkrau Mying Jahpan Hkap La Ai Lam hpe Gan Jahkring Da

Pajau Media Channel

Myitkyina muklum hta galaw ya nga ai Maigan pru hkawm lakmat passport laika buk galaw na matu tau hkrau mying jahpan hkap la ai lam hpe December shata praw kaw nna 2023 March shata du hkra mying jahpan hkap la ai lam gan jahkring da sai re hpe chye lu ai.

Myen mungdan uphkang masa galai wa ai hpang kaw nna Mungdan kata galaw lu galaw sha lam ni grai yak hkak mat wa ai re majaw myen mungdan masha ni maigan de pru ai masha lani hte lani law jat nga dingyang re, Maigan pru hkawm lakmat Passport galaw ai rung hta mying jahpan grai chyat wa ai majaw gan jahkring da ra ai madang re hte mying jahpan gaw 2024 March shata du hkra na matu mying jahpan hpring sai lam mung chye lu ai.

Tau hkrau mying jahpan hkap la ai ladat hpe jahkring da ai raitim passport hpe lawan ladan lu mayu ai ni gaw gumhpraw lap (400,000) daram ma nna mai galaw la ai lam mung chye lu ai. Mying jahpan hkap la ai lam hpe jahkring kau ra ai lam hte seng nna madung lawng lam hpe tup hkrak n lu tsun ai raitim Passport rung magam gun langai tsun da ai hta magam gun masha galai gachyai masa lam a majaw rai na re nga nna tsun maram da ai re.