Myitkyina Muklum Kata Myen Hpyen Dap Kawn Hpyen Lahkawn Ai Lam Galaw Nga

Pajau Media

December 12, 2025

Jinghpaw Mung Myitkyina Muklum kata ramma ni hpe Myen hpyen dap a hpyen magam n gun n mai ngu ai tara upade kata hpyen lahkawn ai lam galaw nga ai re nga nna ginra masha ni tsun ai re.

Myen hpyen dap gaw shana hkying 7 hpang kaw nna Muklum kata hkawm sa nga ai ramma ni sha n-ga Wifi seng hkan Wifi lang taw ai ni hpe du hkra hkan lahkawn nga ai re lam ginra masha tsun ai re.

“ Shana hkan wam hkawm ai ni hpe sha rim ai nre sha Wifi lang ai seng hkan du hkra lahkawn nga ai re” nga nna ginra masha tsun ai re.

Dai sha n-ga Hopin, Mohnyin, Mogawng hte Hpakant ginra kata na ramma ni hpe mung myen hpyen dap hte pawng hpawm hpung ni rim lahkawn ai lam chye lu ai.

Myen hpyen dap kawn ya na zawn hkan rim lahkawn ai lam hta amyu shadang ni sha n-ga amyu shayi ni mung lawm ai lam, ya aten myen hpyen dap kawn mungdan kata hpyen magam n gun n mai ngu ai upade shagrin dat ai hpang ramma ni hpe atik anang lahkawn la nna hpyen wunkat jaw nga ai gaw masat yan (20) du wa sai hte masat yan (20) a matu masha lahkawn ai lam matut manoi galaw nga ai re hpe chye lu ai.

Shiga - Hpring