Myitkyina Muklum Kata Na Ja Seng Langai Damya Shang Mya Hkrum Ai Lam

Pajau Media

September 9, 2025

Myitkyina Awng Nan Lawk na Shwe San Li Ja Seng kaw September 8 ya shana daw hkying 4 aten daram hta cycle gup chyawp chyawp da ai La marai 3 gaw sinat madi nna damya shang mya ai lam chye lu ai.

Dai La marai masum gaw Ja Seng de shang wa nna seng kaw nga ai masha ni hpe sinat hte madi nna seng kaw na manu dan ai Ja rai ni hpe mya la mat ai lam chye lu ai.

Shwe San Li Ja Seng gaw manu dan ai Ja rai hpan hkum dut ai seng langai rai nna arai pawng na matu ahkang lu ai seng langai mung re hte Damya mya hkrum ai majaw kade daram sum machyi mat ai ngu hpe tup hkrak gaw n chye lu shi ai re.

Myitkyina Mulum hta n dai laman lagut damya manghkang ni matut manoi byin nga ai re. Myitkyina gaw Jinghpaw Mung na Muklum kata langai rai nna Myen hpyen dap gaw ginra kata Ra lata poi galaw na matu grai shakut nga ai re hte Mung masha hpe masat shingte nna hpyen rim lahkawn ai lam galaw nga ai re nga nna ginra masha ni tsun ai re.

Shiga - Hpring

Video Credit to Owner