Myitkyina, Mye Myint Lawk Hta La Kasha Langai Sinat Ningma Hte Asak Si Sum Ai Lam

Pajau Media

April 20, 2026

Jinghpaw Mung, Myitkyina muklum hta mana hkying 8 ram hta Mye Myint Lawk 10 Mye Myint Hpunggyi jawng makau hta La sha langai sinat ningma hte lam makau kaw asak si sum nga ai hpe ginra masha tsun ai kawn chye lu ai

Asak si sum ai la sha gaw baw kaw sinat pala hkra ai ningma hte Mye Myint hpunggyi jawng shingdu maga lam makau hta asak sisum taw ai hpe chye lu ai.

Dai asak si sum ai la sha gaw kadai re hpe nchye lu shi ai majaw lit nga masha ni hte karum kahtau hpung ni gaw moi mang hpe mung shawa tsi rung de sa sa ai hpe chye lu ai.

Myitkyina muklun kata lagut damya hte masha sat hkrum ai mabyin ni jahkring hkring nga wa ai majaw mung shawa ni sadi let hkawm sa na matu lit nga masha ni hte karum kahtau hpung kawn sadi jaw da ai re.

Shiga-Hpring

Photo credit on Social media