Myitkyina N Bungli Pa Dingsa Gasat Ai Gaw War Crime Hpe Tawt Lai Ai Re Nga nna Myen Hpyen Dap N Dau Ai Lam

Pajau Media

February 23, 2026

Jinghpaw Mung Myitkyina N bungli Pa kaw na hkrun lam hkawm mung masha hpe htaw ai N bungli hpe dingsa gasat ai gaw Geneva conventions hte War Crime hpe tawt lai ai lam re nga nna Myen hpyen dap maigan lam hkringmang rung kawn n dau da ai re.

KIA-PDF ni gaw mung masha hpe masing nga nga dingsa gasat ai lam gaw mung masha hpe ladu lai hkrit kajawng shangun ai lam re hte myit ningma jaw ai lam re nga nna Myen hpyen dap tsun ndau da ai re hpe chye lu ai.

Lai wa sai February 20 ya shana hkying 8:12PM aten daram hta mung Myitkyina Mandalay de rawt hkyen ai မြန်မာအမျိုးသားလေကြောင်းလိုင်း (MNA) kaw na ATR-72-600 N bungli hpan gaw FPV Suicide Drone dingsa gasat hkrum ai re hpe chye lu ai.

Ya na zawn htim gasat hkrum ai majaw Jinghpaw mung Myitkyina N bungli hkrun lam hpe shata masum na hkra pat da ra ai re lam shiga ni hta tang madun da ai re.

Myen hpyen dap gaw Myitkyina N Bungli Pa kaw na N bungli htim gasat ai gaw KIA,PDF pawng hpawm hpung ni re nga nna tsun da ai raitim KIA gaw Mung shawa hpe dingsa gasat ai Policy n nga nga nna tsun ningdang da ai re hpe mung chye lu ai.

Shiga-Hpring