Myitkyina Putao Hkrun Lam Ntsa Na N Sai Yang Mare Kaw Myen Hpyen Dap Nbungli Bawm Wa Jahkrat Ai Lam

Pajau Media

November 13, 2025

Myen hpyen dap gaw gasat gala n byin ai shara hkan Y-12 Nbungli hte bawm hkrup mara jahkrat hkawm nga ai re hte November 12 ya shani hkying 11 aten daram hta mung Putao ginra Sumpyi Yang makau N Sai Yang mare kaw Nbungli bawm 5 lang wa jahkrat bun ai lam ginra masha ni tsun ai re.

“ Mani gaw N Sai Yang mare kaw Y-12 hte bawm wa jahkrat ya ma ai, 5 lang ting wa jahkrat ai re, ya nbungli wa jahkrat ai shara hkan gaw majan byin ai lam n nga ai re, nbungli hpyen maja hkrit tsang ra ai” nga nna Sumpyi Yang hpyen koi yen mung masha langai tsun ai re.

Myen hpyen dap kawn Nbungli bawm jahkrat ai N Sai Yang Sum Pyi yang mayan de gaw lagaw lam hku shamu shamawt gasat gala majan byin ai lam n nga ai re hte gasat gala n nga tim Nbungli wa gap ai gaw Mung masha hpe masat shingte tawn htim gasat ai lam re nga nna Mung masha tsun ai re.

N sai Yang kaw Mung masha htinggaw 10 jan shanu nga ai mare langai re hte Nbungli bawm wa jahkrat ai hpang jahkring mi gan yen ai lam nga ai raitim n ta de bai wa nga sai re hte Nbungli gaw matut maja ra ai lam tsun ai re.

Ya aten Putoa ginra Tan Ja mayan de gaw lagaw lam shamu shamawt hpyen masa shaja hkat nga ai masa re lam chye lu ai. Putao ginra hta P.T.Ts, myen hpyen dap pawng hpawm hpung ni hpyen n-gun jat shamu hkawm ai grau galaw wa ai gaw lai wa sai October kaw nna re hpe mung chye lu ai .

Shiga – Pyilan U