Myitkyina Putao Yu Wa Ai Lam Sha Hpaw Ai Lam

Pajau Media

October 27.2025

Myitkyina Putao lam bai hpaw sai raitim Yu wa maga sha shalai ai rai nna Lung wa ai mawdaw ni hpe n shalai shi ai re hpe chye lu ai.

Lai wa sai October 23 ya shani Lamung Zup Myen hpyen dap shagyit kaw pat da ai rai nna October 27 ya jahpawt daw hta bai hpaw ya sai raitim Yu wa ai mawdaw ni hpe sha ahkang jaw ai re hpe chye lu ai.

Myitkyina Putao lam gaw Myen hpyen dap hte rawt malan hpung ni a hpyen masa hta hkan nna jahkring hkring pat ai re hpe mung chye lu ai.

Hkrun lam pat ai majaw Ginra masha ni gaw gunrai manu rawt ai lam, Jak Sau manu ni grai tsaw mat wa ai mayak hpe hkrum sha nga ai rai nna lai wa sai shaning Sumpra Bum Muklum zing majan a majaw March kaw nna shata masum daram Lam pat mat ai majaw Jak Sau ni taw mat nna Hkauna htu na matu pyi yak mat ai madang du mat ai re.

N dai laman mung Hkauna dan shata du wa sai re majaw hkrun lam aten galu pat mat na hpe Ginra masha ni grai myit tsang nga ma ai re hpe mung chye lu ai.

Shiga - Zau