Myitkyina Pyilat N Shang Mat Ai Majaw Gaw Gap Bungli Galaw Nga Ai Ni Yak Hkak Nga Ai Lam

Pajau media

February 20, 2026

Jinghpaw Mung Myitkyina muklum kaw Pyilat htaw shang ai lam n nga ai majaw Gaw gap bungli galaw nga ai ni hte bungli galaw mung masha ni yak hkak nga ai lam chye lu ai.

“ Ya Myiktyina kaw Pyilat tsep kawp n shang sai, Gaw gap bungli ni mung hkring da ra ai, bungli hkring yang shang gumhpraw n nga sai ” nga nna gaw gap bungli madu ni tsun ai re.

Dai sha n- ga Gaw gap bungli galaw sha masha ni mung bungli grai taw ai majaw yak hkak nga ma ai re hpe mung chye lu ai.

“ Anhte gaw lani mi galaw lani mi sha galaw nga ai ni re majaw bungli n nga yang malu masha a matu myit tsang ai , kaga bungli galaw na mung Myitkyina kaw gaw bungli taw ai majaw grau yak ai” Payan ( Gaw gap ) bungli masha langai tsun ai re.

Ya aten Myen hpyen dap N bungli htu shadut htim gasat ai lam galaw nga dingyang re majaw Jinghpaw Mung Waimaw , Manmaw , Hpakant hte kaga ginra ni hta gasat gala majan ninggam shatsaw htim gasat nga ai re hpe mung chye lu ai.

Shiga – Hpring