Myitkyina Shatapru Lawk Kaw Shani Chying Tung Mawdaw Lahkawng Hte Ramma Ni Hpe Rim Woi Nga Ai Lam

Pajau Media

August 18, 2025

Myitkyina Muklum shatapru lawk (5) kaw shani ka-ang hkying 12 jan aten daram hta Asak 20 jan ning re ai ramma ni hpe mawdaw lahkawng hte rim woi ai lam mying n tsun mayu ai ginra amyu shayi langai tsun ai kaw na chye lu ai.

“ Mawdaw lahkawng hte re La ramma ni gaw Asak 20 ning grup yin ram nga na re, 20 ning pyi n hpring na re, dai ramma ni hpe rim woi mat ai, gara maga na ni kun gaw n chye ” nga nna tsun ai.

Rim woi ai aten hprawng mayu yang mai hprawng ai nga nna adup gayet ai lam ni galaw nga ai re hpe mung chye lu ai. Rim nga ai hpung ni gaw kadai gara maga na ni re n chye shinggan bu hpun palawng hpun nna mawdaw lahkawng hte rim woi mat ai re lam chye lu ai.

Dai sha n-ga shani hkying (1) aten daram hta mung mawdaw lahkawng hte shatapru Manau Wang kaw nga ai amyu shayi langai mung rim woi hkrum ai re lam Facebook gang hkau shiga ni hta mu lu ai re. Shani ka-ang Manau Wang de wa chyai ai amyu shayi marai (3) kaw na marai (2) gaw hprawng lawt mat ai hte marai (1) hpe gaw adup gayet nna woi mat ai re lam tsun da ai re.

 Shiga – Zau