Myitkyina Shwe Lan Ma Lam Kaba Kaw La Langai Hpe Myen Hpyen Dap Rim Woi Mat Ai Lam

Pajau Media

October 3, 2025

Myitkyina Shwe Lan Ma lam braw kaw October 3 ya shani aten hkying 2:10 PM aten daram hta n ta jawn mawdaw ah hpraw hte ah chyang hpe hkap jahkring jep ai hta mawdaw ah hpraw gau ai mawdaw la hpe rim woi mat ai lam chye lu ai.

" Shanhte gaw Jahpawt hkying 6 daram kaw na dai kaw shara la ai re, ya hkying 2 aten daram hta mawdaw ah hpraw hte ah chyang hpe hkap jahkring jep nna mawdaw ah hpraw gau ai wa hpe Hpyen mawdaw de garawt bang mat ai" nga nna myi chyaw mung masha langai tsun ai re.

Dai hpyen la ni gaw jahpawt jau kaw nna lai wa lai sa mawdaw ni cycle ni hpe hkap jahkring jep joi ai re lam, shana daw hkying lahkawng hpang daw de gaw Mung masha langai hpe rim garawt mat wa ai re lam chye lu ai.

Dai zawn sha Hti Win lawk maga de mung lai wa sai September shata kaw nna ထောက်ပို့ nga nna Jinghpaw la langai hpe rim woi mat ai re hte ya aten du hkra shiga n na, matut mahkai n lu ai re lam chye lu ai.

Dai la hpe Phone Jep ai hta Kpay hte PDF ni hpe gumhpraw shalai ai re nga tsun nna adup gayet n htawm woi mat ai re lam chye lu ai.

Shiga- Htu seng