Myitkyina Shwe Nyawng Pyin Lawk Kaw Shani Aten Lagut Lu Rim

Pajau Media

February 11, 2026

Myen hpyen dap asuya uphkang nga ai Myitkyina Muklum kaba hta lagut damya manghkang gaw grau grau sawng nga ai rai nna Shwe Nyawng Pyin lawk kaw February 11 ya shani aten hta dum nta kata de shang lagu ai lagut hpe lu rim ai lam ginra masha ni tsun ai kaw na chye lu ai.

“Myitkyina ginra masha tsun ai hta lagut manghkang gaw grau sawng wa ai rai nna n dai hpang daw de grau sawng wa ai zawn, dai ni mung shani aten dum nta de langut shang ai da, lu rim kau ai” nga nna Myitkyina muklum kaw na ginra masha langai tsun ai re.

Dai lagut gaw shani hkying 11 aten daram hta dum nta kata de shang wa ai aten CCTV kaw nna mu ai majaw lu rim kau ai re lam, Rampu lawk kaw nga ai mung masha langai tsun ai re hte Rampu lawk Uphkang Rung kaw nna woi mat sai lam chye lu ai.

“Myitkyina gaw grai sawng wa sai, nta shinggan kaw na wan pu, hkyep din du hkra lagu ai, dum nta kata de shang nna lama ma n la mat ai pyi kam kaja ai, lagut lu rim nna balik ni de ap tim jahkring re yang bai dat ya sai, Hpai Da ginsup dabang ni a majaw lagut law wa ai re sam ai” nga nna mung matut tsun ai.

Ya na zawn lagut damaya law wa ai gaw seng ang ai asuya kaw na mung lit la ai lam n nga ai sha n-ga ginra kata Hpai Da ginsup dabang law wa ai hte sut masa ahkaw ahkang lam yan grai hkrat yawm ai majaw mung re lam ginra masha ni tsun nga ma ai re.

Shiga- Zau