Shata Mi Laman Jinghpaw Mung Kaw Mung Masha Marai 17 Asak Si Sum Ai Lam

Pajau Media

February 12, 2026

Hpyen masa grai shaja hkat nga ai Jinghpaw Mung kata hta January 1 kaw nna February 12 ya du hkra Myen hpyen dap a majaw Mung masha marai 17 asak si sum ai lam AAPP kawn n dau da ai re.

Dai sha n-ga Myen hpyen dap a majaw amyu shayi marai 8 hte amyu shadang marai 9 yawng marai 17 asak si sum ai lam mying jahpan hte hkrak shagrin la lu ai lam ndau da ai re.

Asak si sum ai ni gaw Nbungli htim gasat ai majaw law malawng re lam hte naw shagrin la ra ai si sum masha marai ( hte seng nna mung bai matut shagrin sa wa na re lam chye lu ai.

February 4 ya shana daw hkying 4 aten daram hta mung Waimaw Shwe Nyawng Pin mare kaw Myen hpyen dap a Nbungli bawm a majaw Mare kata na Mawdaw byeng ai seng kaw wa hkrat kapaw ai majaw Ko Zin Ko Oo asak si sum ai lam nga sai re.

Hpyen masa a majaw Hpakant ginra hta mung Myen hpyen dap kaw nna shani shagu Nbungli bawm jahkrat ai lam, Laknak aba gap ai lam n inga ai majaw Mung masha si hkala hkrum ai lam shani shagu nga ai re hpe mung chye lu ai.

Shiga – Zau