Myitkyina Thida Lawk Hta Num Kasha Langai Sat Hkrum Ai Lam

Pajau Media

September 29, 2025

Jinghpaw Mung, Myitkyina, Thida lawk hta mani hkying 4 jan ram hta n-hkyi galun katut na Num kasha langai si mat ai lam myi chyaw mu ai masha langai tsun ai re.

“Shara gaw Thida lawk ဆုတောင်းပြည့် Hpunggyi Jawng makau na lam kaw re. Du kaw n-hkyi jun na si taw ai, Lam ka-ang kaw nan si taw ai re. Lam kaba hte ma grai gaw ntsan ai re. Byin ai gaw hkring 4 5 lapran hkan byin ai re.” nga tsun ai.

Njang Kawng mahkrai lai Hpunggyi Jawng makau lam kaw byin ai re nna, asak (20) lapran re Num kasha langai re nna si ai ten hta shi a lata hta tachyawp chyawp da nga nna, rai kashun let byin ai mai byin ai lam mung tsun maram nga ai re.

Sat ai wa kadai re nchye lu ai hte ya du hkra nlu rim shi nna shana maga hkring (5) jan ram hta gaw Ayawady Karum Kahtau Hpung(ဧရာဝတီကရုဏာ လူမှုကူညီရေးအသင်း) kawn moi mang hpe tsi rung de htaw mat sai lam chye lu ai.

Myitkyina hte Waimaw hta madu nchye ai mang ni hte nhtu kahtam hkrum ai ni grai law nga nna shana nsin hta sha n ga nhtoi hta mung lagu lagut, damya mya ai ni law nga ai re.

Lai wa sai September 21 ya shani hta mung Waimaw ginra hta nhtu ningma hte si mat ai La langai nga sai re.

Shiga – Zaw