Myitson Masing Bai Galaw Na Matu Hkyen Shakut Taw Nga Ai Hpe Hkring Na Matu Myitkyina Dakkasu Jawngma Ni Ninghkap AI Lam Galaw

Pajau Media

May 26, 2026

Myen Hpyen ningbaw Min Aung Hlaing woi awn ai asuya gaw Myitson hka wan jak masing bai galaw na matu shakut nga ai hpe hkring kau na matu Myitkyina kaw nga ai dakkasu jawngma ni, ramma ni kawn mani May 25 ya shani ninghkap ai lam ni galaw wa ai hpe chye lu ai.

Myen hpyen dap gaw Myitson masing bai hpang na matu komti hpung de nna jinghpaw mung shara shagu hkan ginra shawa ni hpe ga baw amyu myu hte hkaw tsun hpawng ni galaw nga ai majaw Myitkyina kaw nga ai ramma ni kawn ja ja ninghkap wa ai hpe chye lu ai.

Dai sha n-ga Myitsone masing bai galaw lu na matu mung shawa ni hpe zuphpawng shaga ai hte laga ga baw shakap nna shaga la ai hte atik anang shaga ai lam ni hpe hkring na matu mung tsun ai re hpe chye lu ai.

Lai wa sai May 22 ya shani Putao ginra hta mung jawng mying bang ai lamang hta jawng ma ni hpe tau hkrau tsun shana ai lam nnga ai sha Myitsone masing hte seng ai zuphpawng lawm shangun ai lam galaw wa ai hpe chye lu ai.

Kachin Human Rights Watch-KHRW gaw

Myitsone masing tsep kawp hkring na matu Myitkyina kaw nga ia dakkasu jawng ma ni, ginra masha ni, ramma ni hte mali hka mayan hta nga ai ginra masha ni hte rau ta gindun ninghkap sa mat na rai nna, mali hka masing a majaw byin wa ai shinggyim ahkaw ahkang tawt lai ni hte nkaja a amu mang hkang ni hpe mung tsun ndau ninghkap mat na hpe ndau da ai re.

Shiga-Htu Seng

Sumla-KHRW