Myitsone Madim Masing Bai Hpang Na Matu Shakut Taw Ai Gaw Wuhpawng Nkau Mi Sha Akyu Lu Na Matu Sha Re Lam KSHRDN Ndau Ai Lam.

Pajau Media

8 April 2026

Jinghpaw mungdaw Myitsone madim masing bai hpang na matu ningmu jahpaw shakut taw ai gaw masha wuhpung langai akyu lu na matu ginra masha ni hpe jahkrit shama nga ai re lam hpe Kachin State Human Rights Defenders Network (KSHRDN) kawn ndau tsun da ai re.

Mungdan nsim sa ai hte majan masa laja nga ten, shi ning jan na hkra hkring da ai Myitsone masing hpe Myen hpyen dap gaw bai hpang galaw wa ai gaw mung shawa a akyu lu lam hta masha wuhpung langai a akyu lu na hpe shawng tawn na galaw ai lailen sha re hpe (KSHRDN) kawn tsun ai re.

Mungshawa ninghkap ai a majaw lai wa sai 2011 shaning kaw na gan hkring da ai rai tim, ya ten hta hpyen dap ni kawn Myitsone masing bai hpang na matu, shawa ningmu jahpaw zuphpawng hpe (13) lang du hkra galaw lai wa sai re.

Dai sha nga (KSHRDN) kawn Myitsone masing bai hpang galaw wa ai a ntsa ja ja ninghkap ai laika shapraw wa ai re.

Shiga-Hpring