N Dai Bat Mung Marang Matut Manoi Htu Wa Mai Ai Majaw Hka Makau Hkan Shanu Nga Ai Mung Masha Hka Hpyen Sadi Maja Na Lam

Pajau Media

August 12, 2025

Jinghpaw Mung sha n-ga Hkang Mung, Sagaing ginwang lahta daw ginra ni hkan n dai bat laman mung marang kaba wa mai ai majaw Hka hpyen sadi maja ra ai lam Myen Mungdan lamu marang maram masam rung kawn tsun n dau da ai re.

Marang gaw matut manoi kaba wa mai ai re majaw Hka makau mayan shanu nga ai Mung masha ni madung sadi ra na lam, jau tau koi yen ai lam ni galaw ra ai sha n-ga Bum daw de mung lamu ga, hkrun lam gyi ai lam ni byin wa chye ai majaw grai sadi maja ra ai lam tsun da ai re.

Ndai laman marang matut manoi htu sawng nna August 11 ya shani Laiza Muklum hta mung Bum hka ni tung kaba wa ai majaw Laiza ginra hta lwi nga ai Laiza hka, Hka Chyang hka, Hka Ya hka ni kaba wa nna Muklum kata hka lim shang mat ai re.

Ya na zawn Muklum kata hka lim shang wa ai majaw Hka kau mayan na dum nta n kau hten za ai lam ni nga ai zawn, lam makau hkan gat dut sha nga ai Mung masha ni a gunrai ni hka hta yawng lawm mat ai lam ni nga ai re hpe chye lu ai.

Laiza ginra kata Hka kaba ai lam ndai lang hte Num daw lahkang lang rai sai hte August 4 hta byin ai Je Yang hka Mawru hpang jasan jaseng gaw gap ai lam ni galaw nga dingyang naw re hte ya aten du hkra Laiza ginra kata Myi hprap wan tsep kawp n lu shi ai lam laiza ginra masha ni tsun ai kaw na chye lu ai.

Shiga- Pyilan U