N Dai Laman Myen Hpyen Dap Nbungli Bawm A Majaw Jinghpaw Mung Kata Masha Marai 38 Asak Si Sum

Pajau Media

10 April, 2025

Myen Mungdan kata n-gun ja ai nnang nawn kaba tsin yam hkrum sha nga ai laman Myen hpen dap a nbungli hte dingsa gasat ai majaw Jinghpaw mung kata Mung masha marai 38 asak si sum ai lam hkala hkrum ai masha marai 29 nga ai lam NUG kawn n dau da ai kaw na chye lu ai.

Myen hpyen dap gaw htu shadut htim gasat majan gan jahkring ai lam ndau da ai raitim Jinghpaw Mung kata nbungli hte htim gasat ai lam 6 lang galaw ai hta Myen mungdan madang hku yu yang Jinghpaw mung hta law dik re lam n dau da ai re.

Nbungli bawm hte gasat ai lam (6) lang galaw ai hta Manmaw ginra hta 3 lang, Mohnyin ginra hta 1 lang, Waimaw ginra hta 1 lang, Hpakant ginra hta 1 lang re lam, March 28 ya kaw nna April 8 ya du hkra hta la lu ai jahpan hta na chye lu ai re.

Myen hpyen dap gaw April 2 ya kaw nna 22 ya du hkra gap hkat jahkring da ai lam n dau ai raitim tinang tsun ai hte maren hkan sa ai lam n nga ai sha ya aten du hkra Jinghpaw mung sha n-ga Myen mungdan shara shagu de nbungli hte dingsa gasat ai lam dingyang glaw nga ai re hpe mung chye lu ai.

Shiga – Hpring