N htoi 12 Ya Laman Mung Masha Marai 43 Asak Si Sum Ai Lam AAPP N dau

Pajau Media

December 15.2025

December shata hta n htoi 12 ya laman sha Amyu shayi 12, Amyu shadang marai 31 yawng marai 43 asak si sum ai lam AAPP n dau da ai re.

Asak si sum ai marai 43 hta Myen hpyen dap nbungli htim gasat ai majaw asak ai sum gaw law malawng re lam, marai 5 gaw laknak kaba gap ai majaw asak ai sum ai re sha n-ga naw shagrin la ra ai asak si sum ai Mung masha marai 74 naw nga ai lam mung tsun da ai re.

Lai wa sai December 8 ya shani hta mung Hpakant Lawng Hkang ginra kata gasat gala majan byin ai lam n nga tim Hpakant Byuha kawng kaw nna gap ai laknak kaba a majaw Malawng mare kaw nna dum n ta langai kaw wa hkrat kapaw nna nta madu U Zaw Lwin Oo, Jan Daw Tin Moe Laing, Kasha Phyo Wai Tun ni kalang ta asak ai sum ai lam chye lu ai.

Dai sha n-ga Ra lata poi Upade hte Mung masa bawng masha hku rim hkrum ai masha 121 du nga sai hte dai kaw na shagrin la dingyang rai nga ai marai 84 lawm ai lam AAPP tsun da ai re hpe chye lu ai.

Shiga - Htu Seng

Photo credit to AAPP