Nam Mati Ginra Kaw Nga Ai Hpakant Seng Hpara Hpyen Yen Mung Masha Ni Garum Ningtum Ra Kadawn Nga Ai Lam

Pajau Media

October 28, 2025

Nam Mati ginra hta hpyen koi yen wa ai Hpakant Seng Hpara ginra masha ni a matu malu masha hte kaga lang na a rung ni ra kadawn nga ai lam chye lu ai.

Hpyen koi yen Mung masha ni gaw Hpyen koi yen aten ladaw na wa sai hte maren malu masha tam lu tam sha shara ni yak hkak wa ai re hte lawm wa ai Ja gumhpraw malu masha ni mung ma wa ai re majaw Ma kaji ni hte Asak kaba sai ni lam magup yak hkak wa ai re hpe chye lu ai.

Ya aten hpyen koi yen dabang kata madung ra kadawn nga ai gaw malu masha, Tsi mawan, Ban Hka wan, Dinghku rai hte Lum palawng, N ba hte bu hpun palawng ni du hkra ra kadawn nga ai re hpe chye lu ai.

Dai hpyen koi yen Mung masha ni gaw gasat gala majan a majaw Hpakant Seng Hpara mare kaw na koi yen wa ai Htinggaw 19 hte Masha marai 89 re lam chye lu ai.

Koi yen shara n lu ai majaw n kau gaw Mogaung ginra maga de koi yen nga ma ai hte n kau gaw ni nawn ai jinghku n ta hkan machyu nga ma ai re hpe chye lu ai.

Dai sha n-ga n kau gaw Myitkyina Jaw Masat Hpyen koi yen dabang kaw mung htinggaw 81 shanu nga ai re hpe chye lu ai.

Shiga- Htu seng