Nam Mun Ginra Mare Uphkang Salang Gap Sat Hkrum Ai Lam

Pajau Media Channel

27th March, 2024

Mohnyin ginwang Indaw Gyi ginra Nam Mun Myo Nat Gyi lawk kaw na mare salang U Hte Aung Asak 53 ning gaw March 26 ya jahpawt daw hkying 4:15 AM aten daram hta sanat gap hkrum nna asak si sum mat ai lam chye lu ai.

"U Hte Aung madu jan gaw jahpawt gat kaw lu sha dut ai. Mare salang wa gaw dingyang na wa sa wa tau galaw ai. Dai hpawt sha manap gat kaw hkrum na pyi naw shaga dat shi ai. Hkying mali jan daram hta gaw sanat n sen ngoi ai na dat ai. Dai kaw nan si mat ai" nga nna Nam Mun Gat kaw gat dut ai amyu shayi langai tsun ai.

Ginra masha ni tsun ai hta hpyen magam gun na lam hte seng nna jahpan hta ai lam ni hta shanglawm garum ai majaw ya na zawn sanat gap sat hkrum ai re lam tsun maram da ai re hte ginra makawp maga hpung PDF kawn mung mare salang ni hpe sadi jaw n dau laika ni hpe Nam Mun ginra nampan sun makau kaw ka shakap n dau da ai lam ni nga ai re hpe mung chye lu ai.

Shiga - Kachin Pyi Tar