Namma Wan Leng Daru Kaw Wan Hkru Manghkang Byin Ai Lam

Pajau Media Channel

20th March, 2024

Jinghpaw Mung Mohnyin ginra Namma mare kaw March (20) ya shana daw hkying (5:00) PM daram hta wanleng daru kaw jahkring da ai wan leng wan hkru manghkang byin ai lam Namma ginra masha ni kaw na chye lu ai.

“Anhte gaw In Jin Kung kaw nna wa ai re. Namma wanleng daru du ai shaloi wan leng daru kaw jahkring da ai wan leng wan grai grung taw sai. Wan sat maw daw n du wa shi ai laman Futsal htawng taw ai ma ni hpe shaga la nna wan jawm sat kau ai. Du hkra ladaw mung gahtet ai re majaw wan mung grai grung ai” nga nna myi chyaw mu ginra masha langai tsun ai.

Wan hkru manghkang n pawt gaw ka-ni nanghpam lu sha ai masha ni nanghpam lu sha nat marawp lu na matu jai lang ai wan kinlep kaw na panep n ba ni kaw hkru kap wa ai majaw wan hkru manghkang byin wa ai re nga nna ginra masha ni tsun nga ma ai re.

Myen hpyen dap mungdan uphkang wa ai hpang kaw nna wanleng hkawm sa hkrun lam ni yawng hkring ra mat ai re hte jahkring da ai wanleng kata kaw nanghpam lu sha jai lang ai masha ni gaw yup ra ni tawn da rai nna dai shara kaw nga nawng mat ai ni mung law nga ai lam ginra masha ni tsun ai.

Shiga - Kachin Pyi tar