Namti Jum Dwi Jak Wang Kaw Shanu Nga Ai Hpyen Yen Mung Masha Lanam Ladaw Grai Yak Hkak Nga Ai Lam

Pajau Media

August 7, 2025

Hpakant Lam majan a majaw Namti Ginra de koi yen sa ai Mung masha ni shanu nga ai Namti Jum Dwi Jak wang kaw marang hka ing mat nna Hpyen koi yen Mung masha ni grai yak hkak nga ma ai re.

Hpyen Yen Mung masha ni wa shanu nga ai Namti Jum Dwi Jak wang gaw Lamu Ga nem ai shara rai nna Hka ni kaga de lwi na lam n nga ai majaw Hka n tsa kaw nga ra taw ai masa re hte ya aten shinggan sa shara, Hka shin shara, Hka tung ni grai yak hkak nga ma ai lam chye lu ai.

Nam Ti Kan La hte Hkum Tsai Yang Mung masha ni koi yen ai hkan gaw Hka lim ai lam n nga ai re hpe chye lu ai. Ya aten Hka hpyen hkrum sha nga ai gaw Lawa Jau Ginwang RC nawku hpung masha ni shanu nga ai Namti Jum Dwi Jak wang hte Namti Wa Awng Mare kaw na hpyen yen Mung masha ni re hpe mung chye lu ai.

 Ya aten malu masha, tsi mawan, lu hka, shinggan sa shara ni grai yak hkak nga ma ai re hpe mung chye lu ai. Ya aten Jinghpaw Mung shara shagu hta mung marang ladu lai htu sawng ai majaw Hka Hpyen hkrum sha nga ai re hte ya aten Namti Hpyen yen sha n-ga dabang shagu ngu na daram hta Tsi mawan malu masha, shimlum ai dum n ta ni ra ahkyak nga ma ai re hpe chye lu ai.

shiga -Pyilan U