Nbung Laru A Majaw Hpyen Yen Ni Karum Matum Ra Ahkyak Taw Ai Lam

Pajau Media

April 27, 2026

Jinghpaw Mung Myitkyina, Namti, Mogawng muklum hkan hta April 25 ya shana hkying 7 laman byin wa ai nbung laru a majaw hpyen yen shawa ni na dum nta ni hten wa ai majaw karum matum ra ahkyak nga ai lam chye lu ai.

Dai nbung laru a majaw Myitkyina, Namti, Mogawng hkan nga ai hpyen yen htingra ni hten mat nna, mung shawa dum nta nkau mung hten ai lam nga ai hpe chye lu ai.

Nga shara dum nta ni hten wa ai gaw Namti jumdwi jak wang kata hta shanu nga ai St. Teresa hpyen yen shara, Wa Awng hpyen yen shara ni rai nna dai hpyen yen dabang hkan gaw Hpakant na hpyen yen ni law malawmg nga ai shara re hpe chye lu ai.

Hpyen yen dum nta nga shara na plastic hte galup da ai ni hten ai majaw karum matum ra ahkyak nga ai hpe chye lu ai.

Shiga-Zau