Nbung Laru Marang Kaba A Majaw Han Htet Hpyen Yen Ni Yak Hkak Nga Ai Lam

Pajau Media

4 April 2026

Jinghpaw Mungdaw Manje ginra Han Htet mare kaw nga ai hpyen yen dabang hta nbung laru marang Kaba a majaw nga shara nta law law hten wa ai majaw karum matum ni ra ahkyak taw hpe hpyen yen ni tsun wa ai kawn chye lu ai.

Lai wa sai March shata 28 ya shani byin wa ai nbung laru a majaw hpyen yen dabang hkan nga ai nta ni hten wa nna hpyen yen ni nga na shara a matu mayak nga taw ai hpe chye lu ai.

Hpyen yen dabang kaw nta htingra 78 hte masha marai 256 nga ai hta nta ni hpe gaw plastic hte sha galup da ai chying hkyen nta ni re ai majaw hten za lam law law nga wa sai hpe chye lu ai.

Dai majaw hpyen yen ni gaw karum matum ni ra ahkyak taw nna mayak amyu myu nga taw majaw ya ten du hkra nta bai galaw la lu ai lam nnga shi ai nga tsun ai.

Dai hte marem April praw hkan hta mung nbung laru a majaw Mogawng ginra Nammati muklum na hpyen yen nta ni law law hten za wa ai hpe chye lu ai.

Shiga-Htu Seng