Nsang Awng La A MMA Shingjawng Lamang Hpe October 4 Ya Shani Galaw Sa Wa Na Lam

Pajau Media

October 2, 2025

Nsang Awng La hte Sweden Mung Dan masha MMA Fighter Kazakhstan a One Fight Night 36 shingjawng lamang hpe du wa na October 4 ya jahpawt daw hte American Aten gaw Oct 3 ya shani galaw sa wa na re lam Nsang Awng La shi a Facebook laika man hta tsun da ai re.

Dai One Fight Night 36 shingjawng lamang hpe Thai Mungdan Bangkok kaw galaw sa wa na rai nna shan lahkawng a Middle Weight shingjawng lamang langai re hpe chye lu ai.

Dai shingjawng lamang a matu Nsang Awng La gaw September shata htum wa maga kaw nna Thai Mungdan Bangkok de du nga sai re.

Asak 44 ning re sai N sang Awng La gaw MMA shingjawng poi 44 lang shingjawng ai kaw 30 lang awng dang lam lu da ai re hte poi 14 gaw sum ai re hpe chye lu ai.

Sweden Mungdan masha Kazakhstan gaw asak 34 ning rai nna MMA shingjawng lamang 22kaw na poi 15 dang nna 7 lang gaw sum ai re hpe mung chye lu ai.

N sang Awng La gaq Jinghpaw wunpawng amyu sha rai nna lai wa sai Febuary 20 ya hta mung Qatar Mungdan Turkish fighter Erdogan hte shingjawng ai hta sum mat ai re hpe mung chye lu ai.

Shiga - Hpring